Skip to Content

Lifewave

         

LifeWave Photo Theraphy - lækningavara 21. aldarinnar? 

 

 

LifeWave Phototheraphy tæknin er einstök uppfinning. Ljósgjafa sem byggir á mismunandi tíðni sem veldur efnabreytingu í líkamanum er komið fyrir í litlum "pástrum". Þar sameinast árþúsunda gömul þekking á orkubrautum líkamans og tækniþekking 21. aldarinnar. Ljósgjafarnir samanstanda af kristöllum sem senda boð með mismunandi tíðni til frumna líkamans í gegnum orkupunktana. Frumur líkamans hafa svo kallaða ljósfangara sem nema tíðnina og við það eykst orkan í frumunni og ákveðnar efnabreytingar eiga sér stað. Líkt og þegar sólarljósið sendir ljósorku á ákveðinni tíðni sem líkaminn þekkir og frumurnar bregðast við og fara að framleiða D vítamín.   

Klínískar rannsóknir.  Ekkert fyrirtæki með heilsuvörur gerir meiri kröfur til klínískra rannsókna á vörum sínum en LifeWave. Þær eru orðnar yfir 60 talsins og sífellt bætast fleiri við. Evrópusambandið hefur farið yfir þessar rannsóknir og og samþykkt þær. Í kjölfarið stimpluðu þeir hluta af LifeWave ljósgjöfunum sem: Class 1  Medical Device   og útleggst sem lækningavara og vara sem virkar fyrirbyggjandi á hrörnun og sjúkdóma. Þessi evrópuskráning gildir um alla Evrópu, þ.m.t.  á Íslandi.

LifeWave Phototeraphy (ljósmeðferð) er auðveld í notkun. Krefst engrar sérfræðiþekkingar, er mjög áhrifarík og án hættulegra aukaverkana.

David Schmidt er vísindamaðurinn á bak við LifeWave tæknina. Hann er líffræðingur frá Pace University í Pleasantville, New York. Hann sérhæfði sig í orkuframleiðslutækni fyrir bandaríska herinn. Hann er m.s. höfundur nýrrar tækni við framleiðslu vetnis og súrefnis.

 "Á minni ævi hef ég komist að því, að við erum aðeins bundin af mörkum þess, sem við teljum mögulegt. LifeWave byrjaði sem hugmynd mín um að bæta frammistöðu og heilsufar með eigin samskiptakerfi líkamans. Margir töldu þess háttar tækni einfaldlega ógerlega. Átta árum síðar eftir meira en 40 klínískar rannsóknir og hundruð þúsunda viðskiptavina í 90 löndum vitum við, að svo er ekki."

"Og jafnvel þótt við vitum, að vörur okkar hafi oft hjálpað fólki um allan heim að ná eftirtektarverðum árangri, höldum við sífellt áfram að leita eftir nýrri og betri leiðum til að bæta heilsufar og efla öldrunarvarnir. Það eru engin takmörk fyrir því, hvað við teljum mögulegt."

David Schmidt
Stofnandi og framkvæmdastjóri LifeWave

 

Þegar eru komnar sjö tegundir ljósgjafa á markað.

 

 

ENERGY  ENHANCER

Energy Enhancer - ljósgjafinn - jafnar orkuflæði líkamans. Eykur fitubrennslu um allt að 20%, eykur styrkleika, liðleika og bætir jafnvægi. Minnkar streitu.

 

 

ICEWAVE

Icewave - ljósgjafinn hefur fengið skráningu sem Class 1 Medical Device - Linar verki og sársauka á náttúrulegan hátt. Virkar vel á vöðvabólgu. 80% verkja minnka um helming eða hverfa alveg á innan við 10 mínútum.

 

 

SILENT NIGHTS - Medical Device

Silent Nights ljósgjafinn  hefur fengið skráningu sem Class 1 Medical Device. Náttúruleg leið til að bæta svefn. Eykur framleiðslu melatóníns, róar heilabylgjurnar og jafnar súrefnisflæðið. Hrotur og kæfisvefn minnka verulega eða hverfa alveg.

 

 

SP6  COMPLETE

SP6 - ljósgjafinn- lystarstjórnun - Minnkar matarlyst og dregur úr löngun í sætindi. Rannsóknir sýna að notkun hans hefur jákvæð áhrif á alla hormónastarfesemi líkamans.

 

 

Y- AGE GLUTATHIONE

Y-Age glutathione - ljósgjafinn eykur glutathione framleiðslu í öllum frumum. Glutathione er aðal andoxunar- og detoxefni líkamans. Það afeitrar frumurnar, eflir ónæmiskerfið, eykur úthald og getu í íþróttum og margt fleira.

 

 

Y- AGE CARNOSINE

Y- Age Carnosine - ljósgjafinn eykur carnosine framleiðslu í heila- og vöðvafrumum. Hraðar lækningu sára, styrkir vöðva og dregur úr hrukkum. Carnosine eykur líftíma frumna um 3-400%, það gerir við skemmdar frumur, eflir einbeitingu, minni og margt fleira.

 

 

Y-AGE AEON

Y- Age Aeon - ljósgjafinn - vinnur inn á ósjálfráða taugakerfið. Kemur í veg fyrir streitu og minnkar bólgur. Eykur framleiðslu DHEA (master hormónsins)

 

 

Yngingaraðferð.  Saman eru Y-age ljósgjafarnir ein áhrifaríkasta yngingaraðferðin sem völ er á.  Húðin þykknar og sléttist. Hrukkur og slit minnka eða hverfa, fyrir utan allt sem endurnýjast innra með okkur og við sjáum ekki.

 

 

30 daga óskilyrtur skilafrestur á plástrunum. Ef þér finnst plástrarnir ekki vera að standa undir væntingum, þá hefurðu þrjátíu daga til að fá þá endurgreidda. Gildir aðeins um startpakkana. Endurgreiðslan miðast við kaupverð plástrana. Vsk og flutningsgjald er ekki endurgreitt.

 

 

 

 

Theta Nutrition - nýjung í næringartækni!

 

 

Theta næringarlínan er ný kynslóð af orkumeðhöndluðum næringarefnum.  

Theta mind er fyrsta næringarefnið í þessari nýju línu, blandað í vatn og miðar að því að efla athygli, minni og eiginleika til að læra. Og nú þarf ekki að bíða vikum saman eftir árangri!

Flestir sem hafa prófað hafa fundið heilsufarslegan ávinning á örfáum mínútum, svo sem skýrari hugsun, vellíðan, aukna bjartsýni, betri sjón og aukna orku, svo nokkur dæmi séu tekin.

 

LIFEWAVE MATRIX

Matrix - Cell Shield - Rafsegulvörn fyrir snjallsíma.  Háþróuð hertækni sem kemur í veg fyrir 99% af rafsegulmengun snjallsíma.  Hefur engin áhrif á gæði símtala.   Aðeins fáanlegt í dag fyrir iPhone 4 og 4S, en væntanlegt í apríl 2013 fyrir flestar gerðir snjallsíma.

 

DAVID SCHMIDT

Viðtal Suzanne Sommers við David Schmidt.

 

DAVID SCHMIDT ER VÍSINDAMAÐUR, hann er uppfinningamaðurinn á bak við LifeWave tæknina og stofnandi LifeWave, nanó-tækni plástranna. Þeir eru afrakstur vinnu hans við hönnun neyðarsúrefniskerfa fyrir General Dynamics og sjóher Bandaríkjanna. Í framhaldinu var hann hvattur til að koma að þróun næstu kynslóðar smákafbáta. Hann er heiðursdoktor við „International Hall of Fame“. David er menntaður í upplýsingakerfum stjórnenda og líffræði við Pace University í Pleasantville, New York. Hann sérhæfði sig því næst í orku­framleiðslutækni bæði fyrir hernað og söluvörur. Hann er höfundur nýrrar tækni við framleiðslu vetnis og súrefnis og smíði málmbruna eldflaugavéla.

David Schmidt er með öðrum orðum gáfumenni. Í viðtalinu sem hér fer á eftir mun David útskýra á skiljanlegu máli vísindin á bak við hina ótrúlegu uppfinningu sína, LifeWave nanó-tækni plástrana. Síðastliðin tvö ár hef ég notað þessa lyflausu plástra við sársauka, til að bæta svefn, auka orku, vinna gegn matarlöngun og til að afeitra líkamann.Ég á varla nógu sterk orð til að lýsa ánægju minni með þá. Eftir að hafa lesið viðtalið mun þig langa til að fara beint á vefsíðu hans til að panta þér plástra. Sumt hljómar of vel til að geta verið satt, en þessir plástrar eru sannarlega góðir.

SS: Þakka þér fyrir að taka á móti mér. Ég er viss um að þú vildir frekar vera að hanna geimskip eða eitthvað álíka. Þú ert jú maðurinn sem gast breytt sjó í sement! Eftir tveggja ára kynni okkar er mér ljóst að heilinn í þér vinnur öðruvísi í meðalmanni. Hvað hvatti þig til að þróa nanótækni plástrana?

DS: Samningsaðili ríkisstjórnarinnar bað mig að finna nýjar leiðir til halda áhöfnum kafbáta lengur á lífi ef slys yrði um borð.Ekki er óvenjulegt að þyrlu­flugmenn þurfi að fljúga í þrjátíu tíma samfellt. Jafnvel eru dæmi um að B-2 sprengjuflugvélar hafi farið í sextíu tíma ferðir og flugmennirnir þurfa að vaka allan þann tíma. Til að geta það verða þeir að grípa til amfetamíns og koffíns til að halda sér vakandi. Mér fannst þetta gott tækifæri til að finna leið til að auka orku og úthald áhafna án þess að þurfa að grípa til lyfja. Þetta leiddi mig áfram í þeirri för sem á endanum varð að LifeWave nanó-tækni plástrunum mínum.

SS: Plástrarnir eru í takt við ný læknavísindi sem miða að því að draga úr því hversu háð við erum læknislyfjum. Þú kallar plástrana „hugbúnað“ fyrir líkamann - getur þú útskýrt það?

DS: Flestir þekkja best læknalyfja módelið þar sem lyfin kalla fram svörun í líkamanum. Til að skilja okkar tækni (plástrana) þurfum við að vita að líkaminn hefur efnafræðilegt kerfi og einnig líf-rafeindatæknikerfi.
Þegar við förum út í sólina vitum við að ákveðin tíðni ljóss mun hafa þau áhrif að líkami okkar framleiðir D-vítamín. Þetta er fullkomið dæmi um hvernig tíðni orku – í þessu tilfelli ljóss - getur komið af stað efnafræðilegu ferli í líkamanum sem hefur mjög jákvæð áhrif. Annað dæmi er að Kaliforníubúar fara út í sólina í von um að verða sólbrúnir. Þannig getur tíðni ljóss orðið til þess að líkaminn framleiðir melanín sem er andoxunarefni og er svörun líkamans við hárri ljósorku. Þetta eru varnarviðbrögð líkamans, þótt flestum finnist það vera meira í ætt við fagurfræði.
Til að líkaminn geti brugðist við ljósinu þarf hann að hafa það sem kallað er „ljósfangarar“. Lyfjafræðilega módelið vinnur með einhverju lyfi eða næringar­efni til að kalla fram efnafræðilegt viðbragð, en við vitum að frumurnar hafa ljósfangara, sem þýðir að þær geta tekið í sig hljóðeind af ljósi og framkallað efnafræðilegar breytingar í nálægð mismunandi ljóstíðni sem notuð er til lækninga.

SS: Hvernig þá?

DS: Við skulum skoða mjög háþróað tæki sem byggt er af mönnum: Geimskutlu sem samanstendur af yfir fimm milljónum mismunandi hluta. Til samanburðar samanstendur mannsaugað af yfir einum milljarði hluta. Við vitum öll að mannsaugað er sérstaklega gert til að vinna úr ljósi. Ljósið fer inn augað og ferðast um sjóntaugina umhverfis miðju heilans inn í heilaköngulinn. Þar er það er síað og fer síðan um allan líkamann. Sannað hefur verið að erfðaefnið í frumum líkamans sendir frá sér tíðni eða bylgjulengdir ljóss sem hrinda af stað öllum gagnverkunum í líkamsfrumunum. Ef við skiljum hlutverk ljóss í frumusamskiptum, væri þá ekki skynsamlegt ef við vildum bæta fitu­brennslu líkamans að nota ljóstíðnina frá frumunum til að knýja fram fitu­brennslu?
Ef við þekktum ljóstíðnina sem líkaminn notar til að græða húðvef, gætum við einfaldlega látið slíkt ljós skína á líkamann til að hraða því að húðvefurinn grói. Með nanótækni plástrunum getum við nýtt ljósmeðferð á mjög háþróaðan hátt sem lyflækningar gætu ekki gert.

SS: Er „ljósið“ úr okkar eigin líkamshita og hvernig tengist þetta plástrunum?

DS: Já. Við notum líkamshitann til að ná til ljóssins. Í plástrunum gat ég notað lífræn efni (rúmísómerur) til að spegla sérstakar bylgjulengdir ljóss, finna upp einstaka blöndu lífrænna efna, sérstaklega amínósýrur, sykur, vatn og súrefni, og vinna síðan þannig úr efnunum að þau spegli bylgjulengdir ljóss sem hrinda af stað mismunandi viðbragði eða gagnverkun í líkamanum.

SS: Gera plástrarnir þetta þegar við setjum þá á orkulínur líkamans?

DS: Við staðsetjum plástrana á orkulínum líkamans til að örva nálastungu­punktana vegna þess að vísindin hafa sannað að orkulínur líkamans eru öflugir ljósberar. En við þurfum ekki að setja plástrana á nálastungupunktana til að þeir virki.

SS: Úr hverju eru orkulínurnar?

DS: Vestræn vísindi hafa átt erfitt með að skilja hugmyndina bakvið nálastungur því orku­línurnar eru ósýnilegar. Orkulínur eru hvorki úr kollageni né vöðvavefjum. Þær eru úr vatni, þræðir hlaðinna vatnsdropa, vatnssameinda sem hlaðnar eru jónum, t.d. kalsíum og magnesíum. Vatnssameindir stilla upp í röð þessum fíngerðu þráðum sem hlaðnir eru rafeindum (raflausn) og lengdarbaugarnir titra eins og strengir. Hver lengdarbaugur er tengdur við líffæri og titrar á sérstakri tíðni eins og hljóðfæri, fiðla eða gítar. Hver strengur hefur sína eigin lengd og framkallar hljóð sem hefur að sjálfsögðu mismunandi tíðni. Ef við skiljum kerfi orkulínanna getum við á áhrifaríkan hátt eflt og bætt heilsu okkar.

SS: Ég held ég „sjái ljósið“núna. Orkulínurnar mynda sérstakt kerfi og eru ljósberar.

DS: Já. Þær stýra sérstaklega innrauðu ljósi. LifeWave plástrarnir fá mátt sinn úr þessu orkubandi, sem þýðir það að þú staðsetur LifeWave plásturinn á líkamann (plásturinn er ein tegund innrauðrar orku). Þetta orkuband hrindir síðan af stað þeirri virkni plástursins að spegla bylgjulengd ljóss til að hafa tilætluð áhrif.

SS: Ef þú ert til dæmis með plástur sem örvar glútaþíon(ég veit að þú notar hann), setur þú einfaldlega plástur á líkamann samkvæmt leiðbeiningunum, í staðinn fyrir að fara til læknis og fá glútaþíon í æð til að afeitra líkamann. Líkamshitinn kemur af stað bylgjulengdum ljóss sem hafa þau áhrif að frumurnar í líkamanum framleiða glútaþíon? Náði ég þessu?

DS: Einmitt. Þú færð „A“

SS: Glútaþíon plásturinn er verulega athyglisverð og spennandi leið til að afeitra líkamann. Hann er tímamótauppgötvun.

DS: Já. Það er vegna þess að glútaþíon í æð hefur helmingað virkni sína eftir um sjö til tíu mínútur. Klukkutíma eftir að hafa fengið það í æð er glútaþíon­stigið í blóðinu komið aftur í fyrra horf – sem er mikilvægt þegar það er notað við hreinsun þungra málma úr blóðinu. Það er alveg hættulaust og bjargar mannslífum.
Ef við ætlum að afeitra líkamann af þungum málmum, er glútaþíon í æð vel þess virði. Ef við höfum hins vegar áhuga á að hækka glútaþíon stigið til lengri tíma sem vörn gegn öldrun, þá er plásturinn besta leiðin til þess. Niðurstöður blóðrannsókna eftir notkun plástursins eru svo ótrúlegar að flestir læknar og vísindamenn eiga erfitt með að trúa að þær séu réttar. Við getum sýnt fram á hækkun glútaþíonstigsins um rúm 300 prósent að meðaltali á aðeins sólarhring. Við berum það saman við sextíu til sjötíu þúsund vísindarannsóknir sem gerðar hafa verið í heiminum á glútaþíoni og niðurstaðan er að með hefðbundinni notkun (í æð) er ekki hægt að ná nema um 15 prósent aukningu í glútaþíoni á þrjátíu dögum. Lifewave plástrarnir okkar hækka aftur á móti glútaþíon magnið mjög hratt á stuttum tíma og viðhalda því.

SS: Hvað áhrif hefur þetta? Höldum við háu stigi glútaþíons það sem eftir er ævinnar og er vilji fyrir því eða þörf á að gera það?

DS: Það fer eftir markmiðum okkar. Ef markmiðið er að lifa eins lengi og á eins heilbrigðan hátt og mögulegt er þá er svarið já. Eitt af því sem læknar hafa fært sönnur á er að hversu langlíf þú ert er í beinu hlutfalli við hversu háu glútaþíon magni þú getur viðhaldið.

SS: Þetta er heilmikil yfirlýsing. Ég veit að glútaþíon er ótrúlega öflugt andoxunarefni.

DS: Já. Andoxunarefni vernda millifrumuvökvann og millifrumuumhverfið gegn skemmdum af völdum sindurefna. Auðvitað viljum við halda niðurbrotsáhrifum öldrunar í skefjum svo við ættum öll að hafa áhyggjur af magni glútaþíons í líkamanum.

SS: Er þetta vegna þess að við verðum fyrir svo miklu áreiti eiturefna eins og heimurinn er í dag?

DS: Já. Það er ástæða þess að glútaþíon stig einstaklinga er lægra nú en það var fyrir mörgum árum. Við umhverfisaðstæður nútímans þurfum við að finna ný úrræði og leiðir til að verja okkur daglega fyrir þessum skaðlegu eiturefnum.

SS: Þetta er ótrúlega spennandi. Þú barst kennsl á hættu sem er til staðar af völdum skaðlegra áhrifa eiturefna á líkamann og þitt svar er: töfralausn.

DS : Já. Við verðum að gera eitthvað. Læknislyf eru ekki svar við öllu. Við fáum hundruð mismunandi eiturefna úr umhverfinu í líkamann úr fæðunni sem við neytum og loftinu sem við öndum að okkur. Sum efnanna eru í formi þungra málma, plasts og meindýraeiturs.
Ekki dugar lengur að taka aðeins vítamín til að efla andoxunarefni líkamans; nú þurfum við að huga að því að vernda líkamann gegn skemmdum af völdum sindurefna, halda lifrinni hreinni og halda þungum málmum í fjarlægð frá líkamanum.

SS: Getur glútaþíon plásturinn gert þetta? Haldið lifrinni hreinni og unnið gegn sindurefnum?

DS :Já. Lifrin er mjög mikilvæg. Við vitum að aukið magn af glútaþíoni finnst í lifrinni. Við vitum líka að lifrin hefur margþættar leiðir til að halda blóðinu hreinu og glútaþíon er ein sú helsta. Við vitum að hefðbundnir kostir glútaþíons hafa verið eiginleikar þess til að fjarlægja þunga málma og vernda líkamann gegn sindurefnum. Svarið við spurningu þinni er því já.

SS: Þetta virðist vera áhugaverð tækni fyrir herinn.

DS: Já. Herinn hefur af mörgum ástæðum haft mjög mikinn áhuga á að hækka glútaþíon stigið hjá hermönnum. Glútaþíon ver líkamann gegn þreytu í vöðvum. Þegar fólk fær glútaþíon eykst æfingaþol þess verulega. Slíkt myndi gera hernum kleift að auka afköst þar sem úthald væri betra og vöðvar sterkari. Einnig er helsta fötlun hermanna heyrnartap vegna vopnaskothríða og glúta­þíon er það andoxunarefni sem veitir okkur öflugasta vörn gegn heyrnar­tapi.

SS: Ef ég nota plástrana get ég sem sagt átt von á að ná betri árangri í líkams­ræktinni, vöðvarnir yrðu sterkari og heyrnin vel varin. Og á sama tíma yrði sindurefnum eytt og líkaminn afeitraður? Þetta hljómar of vel til að vera satt, þetta er algjör bylting í verndun líkamans og í fyrirbyggjandi virkni.

DS: Já. Glútaþíon hefur alla þessa kosti. Auðvitað er það svo að þegar fólk þjáist vegna heyrnartaps af völdum taugaskemmda er engin hjálp í glútaþíoni. Varnarmála- og öryggis­mála­ráðuneytin hafa áhyggjur af lífefnahryðjuverkum þar sem varpað væri eitur­efna­sprengju, miltisbrandi eða bólusótt. Þau hafa uppgötvað að ef hægt er að hækka glútaþíon­magnið nægilega hratt í blóði fólks sem orðið hefur fyrir slíkum efnasprengjum er hægt að bjarga lífi þess. Í slíkum árásum eru það raunar sindurefni sem drepa, en glúta­þíonið fer inn í líkamann og gerir sitt til að vernda hann. Það eyðir hvorki bólusótt né miltis­brandi en það heldur þér á lífi þar til þú færð veirueyðandi og bakteríuskætt lyf.

SS: Ja hérna, ég vona að ég þurfi aldrei á þessu mótefni að halda. En yfir í annað. Fyrir mörgum árum var margskonar ofnæmi að plaga mig. Ég notaði ávallt lyf úr apótekum til að ná tökum á þeim. En síðan fór ég til nálastungu­læknis sem sagði mér að ég gæti losnað við ofnæmið með smá þolinmæði þar sem þetta væru ekki vestrænar lækningar. Ég ákvað að fara til hans vikulega í nálastungur í eitt ár. Tíu árum síðar er ég alveg laus við ofnæmi, óháð árstíðum. Vitandi að þú vinnur með nálastungupunkta myndi ég telja að glútaþíon væri góður kostur til að draga úr eða losna við ofnæmi.

DS: Glútaþíonmagnið hækkar sama hvar plástrarnir eru staðsettir. Það sem þú átt við er hvernig við getum náð eðlilegu orkuflæði um líkamann. Það er mikilvægt að skilja að orku­línukerfi líkamans er rafboðunarkerfi. Þegar rafkerfi bilar þá virkar lífefnafræði líkamans ekki almennilega. Ofnæmi á upptök sín í því að virkni nýrna og nýrnahetta veikist. Fólk sem þjáist af slæmu ofnæmi hefur veikar nýrnahettur þannig að við getum gert okkur ónæm fyrir ofnæmi með því að setja nálar á nálastungupunkta sem kallast blaðra 23, það örvar orku­flæði um nýrun og nýrnahetturnar. Þegar orkuflæðið er komið í samt lag er samskipta­kerfið einnig komið í lag. Þá geta nýrnahetturnar framleitt nauðsynleg hormón, svo sem kortisól sem vinnur líkt og náttúrulegur ofnæmis­bælir. Þannig verðum við laus við öll ofnæmi og mér heyrist það hafa komið fyrir þig.

SS: Nú skulum við tala um karnosine plástrana.

DS: Karnosine plástrarnir eru hannaðir til að spegla bylgjulengdir ljóss sem hækkar magn líkamans af karnosine.

SS: Af hverju vantar okkur karnosine?

DS: Það er margt líkt á með glútaþíoni og karnosine. Bæði eru andoxunarefni og bæði er að finna í frumum okkar. Glútaþíon er uppbyggt af þremur amino­sýrum og karnosine úr tveimur.
Samt sem áður er karnosine svolítið öðruvísi þar sem það finnst í hreyfi­vöðvunum og í hjartanu.

Glútaþíon er búnaður eða efni sem verndar líkamann fyrir áhrifum öldrunar og karnosine er andoxunarefni sem græðir skemmdir af völdum öldrunar.

SS: Ég skil. Áhugavert. Er karnosine þá endurbyggjandi jafnvel þegar skemmdir hafa þegar myndast?

DS: Það er rétt. Það er alveg ótrúlegt. Karnosine getur einnig bætt þrek. Ég er að vinna með íþróttamönnum um þessar mundir sem æfa fyrir Ólympíuleikana og gef þeim blöndu af glútaþíoni og karnosine. Mér er sagt að reiknað sé með því að þessir íþróttamenn setji heimsmet á ÓL sem fram fara í Peking í ár.

SS: Ég sá að hestur Mervs Griffin sem vann „Breeders' Cup“ keppnina var með orkuplástra frá þér. Frábær mynd. Það hlýtur að hafa verið gaman fyrir þig.

DS: Já, en kom mér ekki á óvart. Karnosine hefur ótrúleg áhrif á þrek því það er, eins og áður sagði, andoxunarefni sem situr í hjartanu og í hreyfivöðvanum. Ef það er skoðað út frá virkni gagnvart öldrunareinkennum þá er það næringar­efnið sem vinnur gegn karbónýl­myndun.

SS: Sem þýðir þá að öldrun frumna verður vegna skorts á orku og rakagjöf?

DS: Já. Frumurnar eru gerðar til að mynda orku og þar af leiðandi framleiða þær einnig úrgang sem kemur út um miðjuna, hvatbera/orkukorn. Þegar fruman starfar eðlilega er úrgangurinn fjarlægður á náttúrulegan hátt úr sogæða­kerfinu og út úr líkamanum.
En þegar við eldumst fara frumurnar að safna sameindum úr kolefnum (á vissan hátt líkt því sem gerist í bílvélum: þær ryðga og kolefni safnast saman). Undir smásjá sést að frumur sem eldast fara að afskræmast og skreppa saman. Karnosine sem er innleitt í frumuna fjarlægir úrganginn og það sem ekki sést er að allt að 90% eldri frumna verða eins og nýjar að. Karnosine plástrarnir fá frumur á þennan hátt til að haga sér eins og þær væru ungar og heilbrigðar og svo batnar ástand þeirra enn frekar. Ef þetta er hugsað út frá virkni gegn öldrun þá lengir karnosine frumulíftíma um 300-400%.

SS: Þetta er einskonar æskubrunnur og það án nokkurra lyfja. Ég get ekki lýst því hvað þetta er spennandi, ég er með karosine plástur á mér núna, á meðan við tölum saman. Í gær var ég með glútaþíon plástur. Ég hef notað þessa tvo plástra til skiptis allan mánuðinn. Eitt af því sem ég hef tekið eftir er að húðin á mér hefur mýkst mjög mikið. Hrukkurnar virðast minni en þær voru í síðasta mánuði. Er þetta ímyndun?

DS: Þetta eru áhrif sem þú getur átt von á, fyrir utan alla hina kostina sem fylgja. Góðu fréttirnar eru þær að húðin á þér á eftir að batna enn frekar, bæði í sléttleika og áferð, og mýkjast vegna þess að líkaminn hreinsast innan frá. Algjör afeitrun.

SS: Gæti þetta verið „uppbyggjandi“fyrir þær milljónir fullorðinna hér á landi sem taka statín, innihaldsefni margra kólesterólslyfja? Við vitum að statín drepur hvatbera, orkufrumurnar í miðju hverrar frumu.

DS: Já. Ef við verðum vör við truflun í starfsemi hvatbera getum við gripið til ýmissa ráða til að fá þá til að starfa eðlilega. Við viljum koma aftur á orkuframleiðslu, sem skiptir sköpum (hún er byrjun og endir á öllu). Ef frumurnar búa ekki yfir nægilegum raka og orku­fram­leiðslan er ekki mikil, hvernig er þá hægt að framleiða hormón, eða nýta þau? Hvernig eigum við að geta myndað ný prótein? Besta leiðin til að vinna á markvissan hátt gegn öldrun er að leita leiða til að veita líkamanum raka og einnig auka virkni hvatberanna. Statín skaða samkvæmt eðli sínu hvatbera orkumiðju frumnanna, svo að þau vinna gegn orku. Við fundum upp ljósmeðferð í formi plástra til að auka orkuframleiðslu með því að efla fitu­brennslu. Án rakagjafar skemmist orkumiðja frumnanna vegna statína, svo að lokum lendir fólk í vandræðum. Ekkert sem við gerum til að auka orku og heilsu, hvort sem er með vaxtarhormónum, bætiefnum eða líkamsrækt mun bera tilætlaðan árangur ef við getum ekki viðhaldið nægilegri rakagjöf í líkamanum. Við náum ekki fram neinni orkuframleiðslu.

SS: En tölum þá um rakagjöf. Hversu mikið vatn á fólk að drekka daglega?

DS: Ég hlæ vegna þess að það veltir upp spurningunni um mikilvægi þess hvers konar vatn þú drekkur.

SS: Nú byrjar ballið.

DS: Þú deilir með tveimur í þyngd þína (pund) í “únsum” og það er vatns­magnið sem þú ættir að neyta á dag.

SS: Ég er 57,5 kíló, ætti ég þá að drekka 1,9 lítra af vatni á dag? Ég get það.

DS: Einmitt. En ef þú vilt virkilega vita hvernig við náum að veita frumunum nægilegan raka þá verðurðu að skilja að það er ekki nægilegt að drekka einungis vatn: þú verður að drekka vatn með vissri formgerð.

SS: Það hlaut að vera. Er það þá eitthvað í likingu við Penta-vatnið?

DS: Penta-vatn er mjög gott dæmi. Það er vatn með lága spennu á yfirborðinu. Því lægri sem spennan er á yfirborðinu, þeim mun auðveldara verður fyrir vatnið að komast inn í frumuna sem þarfnast þess. Annars geturðu drukkið eins mikið vatn og þig lystir og samt verið rakaþurr.

SS: Tengist þetta því að vatn í flestum borgum hér í Bandaríkjunum er flúorbætt?

DS: Flúor er mjög krabbameisvaldandi, og klór líka.

SS: Þvílíkt og annað eins! (andvarp)Höldum samt áfram að tala um vatn og rakagjöf.

DS: Við verðum að viðhalda góðri rakagjöf í líkama okkar svo við getum náð eiturefnum úr honum. Það gerum við með því að borða góðan mat, lífrænt ræktaðan, lausan við meindýraeitur og vaxtarhormón. Síðan þurfum við að viðhalda öflugri orkuframleiðslu og halda sindurefnum frá líkamanum. Ef við höfum þennan háttinn á er erfitt fyrir sjúkdóma að ná tökum á okkur.

SS: Það er sannarlega fyrirhafnarinnar virði. Þetta er í fyrsta sinn sem ég heyri talað um að drekka rétta vatnið. Ég vissi ekki að venjulegt flöskuvatn ætti erfitt með að komast inn í frumurnar. Ég gerði mér ekki grein fyrir því að vatnið þyrfti að komast inn í frumurnar.

DS: Ástæðan er þessi: Því yngri sem við erum, þeim mun stærri eru frumurnar. Þegar við eldumst minnka frumurnar og þar af leiðandi er erfiðara að koma orku eða súrefni inn í þær. Frá fæðingu og þar til við erum um átján ára skreppa frumurnar smátt og smátt saman. Það er mjög skaðlegt frá tveimur sjónar­hornum. Í fyrsta lagi: því smærri sem frumurnar verða, þeim mun erfiðara verður að koma næringarefnum og vatni inn í þær. Í öðru lagi verður erfitt að ná úrgangi úr þeim. Vatn hefur jákvæða hleðslu umhverfis vetni og neikvæða umhverfis súrefni.

SS: Svo að vatn er eins og segull sem dregur hið neikvæða og jákvæða saman?

DS: Já næstum eins og segull eða eins og rafmagn sem þú færð úr gólfteppi þegar þú gengur yfir það. Þegar vatnssameindirnar festast saman, mynda þær stórar þyrpingar sem eru ekki sjáanlegar. Ímyndaðu þér ef þessar vatns­þyrpingar væru svo stórar að þær væru stærri en öndunarholurnar á frumu­himnunni. Þá hefur þú vatn í líkamanum sem nær ekki inn í frumurnar þar sem þú þarfnast þess. Það er fyrir utan frumuna, svo það gerir ekki nærri því sama gagn og það myndi gera inni í frumunni.

SS: Penta vatn fæst einungis í plastflöskum. Hversu gott er það?

DS: Plastflöskurnar eru mjög slæmar fyrir okkur. Já, það er vandamál.

SS: Við erum sem sagt með glútaþíon plástra fyrir afeitrun; karnosine plástra fyrir viðgerðir á beinagrind og til að eyða sindurefnum; báðir plástrarnir gera húðina fallegri og fjarlægja hrukkur með því að hreinsa líkamann innan frá. Við þurfum að drekka rétta vatnið með réttri spennu á yfirborði til þess að gefa frumunum raka, og þú segir að við deyjum í raun öll af rakaskorti, þannig að þetta er mjög mikilvægt efni. Hvað fleira getum við gert?

DS: Með einföldum hlutum eins og að setja vatnssíu á krana í sturtum og baðkörum. Við fáum fleiri sindurefni með morgunsturtunni en nokkru öðru sem við gerum. Sía getur fjarlægt klórinn og flúorinn svo hann komist ekki í snertingu við húð okkar. Einnig skal setja síu á alla krana fyrir neysluvatn s.s. í eldhúsi.

SS: Áttu við úthverft himnuflæði (osmósis)?

DS: Já. Það væri gott og að skipta yfir í glerflöskur með vatni. Við fáum plastflöskur sem Penta og allt annað lindarvatn kemur í og plastið síast inn í vatnið.

SS: Víkjum nú að hinum plástrunum þínum. Orkuplásturinn til dæmis, sem ég hef notað s.l. tvö ár. Geturðu útskýrt hvað þessir plástrar gera og af hverju við ættum að velja þá.

DS: Orkuplásturinn var fyrsta LifeWave uppfinningin mín. Margar vísindalegar rannsóknir hafa sýnt að þegar við eldumst missum við ekki aðeins virkni hvatberanna vegna minni orkuframleiðslu, heldur vegna þess að þá framleiðir fruman minni orku og minni hluti orkunnar er úr fitu. Fita hefur tvisvar sinnum meiri orku en sykur, en er einnig erfiðari í brennslu efnaskipta. Þegar frumurnar skreppa saman hafa litlu frumurnar sjálfsbjargar­viðleitni sem segir þeim að þær þurfi að framleiða fullt af orku til að lifa af; hvar fá þær þá orku strax? Hvað um sykur, hann er mikið auðveldari í úrvinnslu jafnvel þó að við fáum orku frá honum?"
Þetta er auðvitað hræðilegt, því að eitthvað verðum við að gera við fituna, svo við geymum hana. Síðan verður þetta hröð leið niður á við þar sem við brennum minni fitu og efnaskiptin verða hægari. Þetta hefur óheppilegan endi.

SS: Þannig að ef við vildum auka orkuna á náttúrulegan hátt, hvernig færum við þá að því og hvernig getum við brennt meiri fitu?

DS: Góð spurning. Þegar við eldumst, fáum við minna orkuhlutfall frá fitubrennslu, svo ég sá að ef við hefðum tækni sem gæti aukið hlutfall þeirrar orku sem við fáum með því að brenna fitu, þá hefðum við ekki aðeins leið til að auka almenna orku okkar, heldur væri það einnig leið til að haldast yngri.

SS: Getum við gert þetta með orkuplástrunum þínum?

DS: Það er rétt. Það er jákvæður plástur og neikvæður plástur. Einn hvítur og einn húðlitur. Mikilvægt er hvar við staðsetjum þá á líkamanum. Með því að staðsetja þá rétt getur maður brennt yfir 20 prósent meira, strax í fyrsta skipti sem þeir eru notaðir.

SS: Þetta er að því gefnu að við borðum rétt er ekki svo?

DS: Auðvitað.

SS: Sú hugmynd að maður geti verið með einfalda plástra á sér í stað þess að taka inn eitthvað skaðlegt, andstyggilegt lyf til að draga úr matarlyst á eftir að vekja mikinn áhuga hjá lesendum mínum.

DS: Útbreiðsla offitu og mjög mikillar offitu hér á landi er ógnvekjandi. Við lifum kyrrsetulífi og neytum sykurs í miklu óhófi í mataræði okkar. Óhófleg sykur­neysla dregur úr fitubrennslu og fitusöfnun hefst. Síðan má bæta inn öllum eitur­efnunum og þá verður skiljanlegt af hverju við verðum vitni að þessum offitu faraldri.

SS: Mjög fáir neyta eingöngu holls matar.

DS: Það er rétt. Við ráðleggjum fólki að vera með glútaþíon plástrana í mánuð áður en það byrjar einhvers konar megrun. Þá verður árangurinn yfirleitt miklu betri. Afeitrun er mikilvæg fyrir þá sem vilja léttast.
Margs konar gerviefni er í fæðu okkar, NutraSweet og MSG – bæði efnin mynda sár eða skemmdir í heiladyngjubotni. Þess vegna fær fólk höfuðverk eftir að hafa borðað kínverskan mat. Það er einfaldlega vegna þess að MSG veldur heilaskemmdum hjá okkur!

SS: Vá.

DS: Ef við skoðuðum þetta í smásjá, þá sæist að MSG veldur öra­myndun á einu svæði á heiladyngjubotninum. Það hamlar getu heila­dyngju­botns­ins til að gera það sem honum er ætlað. Eitt af hlutverkum hans er að stjórna matar­lystinni.

SS: Þetta er ótrúleg fullyrðing um efni. Öramyndun hljómar illa.

DS: Þetta er bara byrjunin. MSG er eiturefnahvati fyrir efnaboðbera svo það veldur skaða í líkama okkar frekar en að hafa áhrif á matarlystina. Það er ein af ástæðum þess að eftir neyslu megrunarfæðis ertu ennþá með hungur­tilfinningu.

SS: Svo að þessi efni drepa heilafrumur?

DS: Þau gera það. Þess vegna er glútaþíon plásturinn svo spennandi. Ef við hættum neyslu á skaðlegum „svonefndum“ mat, afeitrum líkamann og breytum mataræði okkar, er ekki óvenjulegt að fólk léttist um tvö, fimm eða sjö kiló fyrsta mánuðinn sem það notar glútaþíon plástrana.

SS: Ég þyngdist um u.þ.b. tvö kíló í síðasta mánuði af því að skjaldkirtillinn fór í „frí“. Síðan þá hef ég verið með plástrana. Ég náði þeim auðveldlega af og jafnvel meiru. Nú skulum við tala um svefnplástrana. Sem áhugamaður um heilsu kvenna veit ég að einn af erfiðustu fylgifiskum hormónataps, öldrunar og tíðahvarfa er svefnleysi. Ég hef einnig heyrt frá ungu fólki (á þrítugs- og fertugsaldri) sem segist heldur ekki sofa vel. Ég er mjög spennt fyrir þessum svefnplástrum og trúi því að þeir séu besta „tíðahvarfa vara“ sem til er. Ég met mest að þeir eru öruggir og án lyfja. Amínó­sýrurnar fara ekki á milli húðlaganna, sem þýðir að ekkert fer inn í húðina og þeir „leiða ljós“ inn í líkamann eins og þú hefur útskýrt.

DS: Svefnleysi er faraldur. Í Japan þjást um 75% íbúa af svefnleysi, 80% eða jafnvel fleiri eiga við krónísk svefnvandamál að stríða. Ef þú hefur einhvern tímann komið þangað geturðu skilið hvers vegna. Þeir lifa í mjög hratt og búa við mikið álag. Það er verulegt vandamál. Þetta veldur miklu álagi á nýrna­hetturnar og þar er unga kynslóðin ekki undanskilin. Það er ástæða þess að svefnvandamál koma upp. Ég ákvað að takast á við þetta vandamál frá ólíku sjónarhorni með því að auka framleiðslu melatóníns.

SS: Segðu mér hvernig.

DS: Þegar við sofum fáum við í upphafi „skot“ af serotónín. Síðan framleiðir líkaminn melatónín. Áður en við vöknum framleiðir líkaminn DMT. Samt er það melatónín sem fólk skortir oft vegna þess að það fer of seint að sofa eða borðar of seint. Því hönnuðum við plástrana til að auka magn melatóníns í líkamanum. Við gerðum vísindalega rannsókn í svefnrannsóknarstofu og sáum hvað eftir annað að fólk með svefnvandamál framleiddi heilabylgjur sem voru undir 85%. Eftir notkun plástursins í eina viku sváfu allir þátttakendur okkar betur.

SS: Virkar melatónín á styttri tíma?

DS: Það er rétt. Ef fólk borðar seint að kvöldi, hefur það áhrif á árangurinn. Eins ef fólk hefur engin prótein í mataræði sínu, þá getur það einnig haft áhrif á árangurinn.
Svefnplásturinn virkar eins og rétt inntaka af melatónín, sem veldur djúpum, náttúrulegum svefni.

SS: Hefur plásturinn einhver áhrif til að róa nýrnahetturnar?

DS: Ég held að hann geri það. Það eru vissulega nægar upplýsingar til sem sýna okkur að þegar magn melatóníns hækkar í líkamanum þá dregur úr streitu nýrnahettanna.

SS: Eins og ég sagði er þetta frábær vara fyrir konur með tíðahvörf jafnt sem „ungt, útbrunnið fólk“, eins og ég var einu sinni sjálf. Tölum að lokum um verkjaplástrana. Þeir virka ótrúlega vel. Enn og aftur, án lyfs, án efna sem fara inn í húðina, til að draga úr verkjum.

DS: Verkjaplástrarnir eru ótrúlegir og ég held mikið upp á þá þar sem þeir eru auðveldastir til að sýna og sanna. Ég hef sett þá á sjálfan mig sem og rúmlega fimm þúsund aðra og árangurinn hefur alltaf komið fólki skemmtilega á óvart. Á innan við mínútu dregur um 50% eða meira úr verkjum ef plásturinn er settur rétt á.

Sársauki orsakast af líffræðilegum rafboðum í líkamanum. Við höfum gert tilraunir þar sem við getum séð rafboð í húðvef aukast á um einni mínútu frá ásetningu plástursins. Það þýðir að við nýtumnáttúrulega rafeiginleika líkamans með því að setja plástur á þann stað þar sem skemmdir eru á húðvefnum. Það dregur úr bólgum og árangurinn er sá að verulega dregur úr verkjum.

SS: Nota íþróttamenn plástrana?

DS: Heldur betur. Fyrsti læknirinn sem gerði vísindalega rannsókn á verkjaplástrinum var Dr. Dean Clark, í Portland, Oregon (læknir U.S.A. ólympíu­liðsins). Hann prófaði tvö hundruð manns í tvöföldu-blindu lyfleysu/gervilyfs stjórnuðu umhverfi, með notkun innrauðrar myndar. Hann gat sýnt að innan aðeins fimm mínútna eftir ásetningu verkjaplástursins dró verulega úr bólgum.

SS: Af hverju fara þessi efni, amínósýrurnar, ekki inn í húð okkar? Hvað myndi gerast ef þær gerðu það?

DS: Í fyrsta lagi þá eru efnin öll náttúruleg og vottuð af FDA (lyfja- og matvælaeftirlit USA) sem óskaðleg og öll efni í plástrunum eru efni sem þú myndir neyta hvort sem er. Þessar amínósýrur hafa sérstaka eiginleika, því að auk þess að spegla ljós, getum við skapað „skautunaráhrif“. Þegar plástrarnir eru settir á líkamann vinna þeir eins og jákvæð og neikvæð skaut. Allt sem við gerum er að framleiða orkuflæði í líkamanum án þess að nota til þess rafmagns­tæki.

SS: Þetta hefur verið frábært. Þúhefur afrekað ótrúlega miklu þótt ungur sért að árum, og enn fullur áhuga. Ég er spennt að vita hvað þú kemur með næst.

DS: Já, Suzanne, Albert Einstein sýndi okkur fram á að allt í heiminum umhverfis okkur er búið til með ljósi. Við erum farin að kunna að meta þetta og skilja. Við getum haldið áfram með þetta og sagt að allt í kringum okkur sé búið til úr ljósi og upplýsingum. Margir læknar og vísindamenn vísa til þessa nýja sviðs sem er enn í mótun sem upplýsingalæknisfræði. Það þýðir að í stað þess að taka lyf og nota vítamín, getum við notað upplýsingar til að auka og bæta virkni líkamans.
Við leitum að sérstökum bylgjulengdum ljóss sem kalla fram gagnlegar efnafræðilegar breytingar á líkamanum. Í öllum rannsóknum sem við höfum gert (tvöföldum, blindum lyfleysu-stjórnuðum) höfum við sannað að þessi aðferð virkar raunverulega.

SS: Plástrarnir eru algjör bylting. Þeir stuðla að bættri heilsu fólks í stað þess að gera hana verri, eins og lyflækningar gera (í flestum tilfellum). Mér líkar heildarhugmyndin, ég skil hana, nota hana og tek ofan fyrir þér fyrir að nota þína miklu hæfileika og hugarafl til að skapa eitthvað svo jákvætt.

DS: Þakka þér. Þetta virkar raunverulega gegn öldrun og enn meira en það. Þetta veitir lífsgæði.


 

DAVID SCHMIDT

BYLTINGARKENNDAR STAÐHÆFINGAR

Frumur hafa ljósnema sem fanga mismunandi tíðni ljóss og koma af stað efnafræðilegum breytingum svo sem framleiðslu melatóníns og D-vítamíns, sem getur hvatt til samskipta.

 Andoxunarefni eins og glútaþíon vernda millifrumuvökva og millifrumu umhverfið frá sindurefnaskemmdum og dregur úr hrörnun af völdum öldrunar.

• Karnosine er andoxunarefni eins og glútaþíon. Það hjálpar frumunum við að losa sig við úrgang; glútaþíon verndar líkamann gegn áhrifum öldrunar, en karnosine er andoxunarefni sem lagfærir skaðleg áhrif öldrunar.

Við getum komið í veg fyrir sjúkdóma með því að fá nægilegan raka, borða góðan lífrænan mat og auka orkuframleiðslu líkamans til að halda sindurefnum frá honum.

• Til að forðast krabbameinsvaldandi efni má setja vatnssíur á krana og sturtuhausa og skipta yfir í vatn á flöskum. (Á ekki við á Íslandi)

• Nanótækni-plástrar gefa okkur væran svefn, græða, vernda, gefa okkur orku og styrk til að grennast.